這間野個男老闆真係有問題，早兩年我都中過招，當年我係第二個論壇都有講過這件事，現在再次講返出來：

當年因為屋企有兩個細路需要人照顧，我就係這間野請左個工人，申請一段時間後，我打去入境處問工人簽証批左未，入境處話批左，我就打去公司，叫佢地立即去拿啦，點知佢地個老闆夠膽死同我講要等多一個星期，先會幫我地去入境處拿，攞完簽証再寄去澳門等工人回來要三，四日。咁前後咪等十幾日？點等呀？大佬！！之後我地咪打算直接上去公司搵老闆娘傾，睇下仲有咩可做，等工人快d黎！

上到去搵唔到老闆娘，得個男老闆，佢都係同樣答案，一星期後先去拿，如果要加快拿就要額外收費，我地真係好急，就問佢收幾多，可否列明d錢點用，合適我地會俾；但佢又唔答，我地繼續追問啦，佢就突然傻左，用雙手掩埋隻耳仔幾分鐘，佢精神真係有問題，顛顛地~!！我地都唔理佢，諗住等老闆娘返黎，但個傻佬又突然搶我野同報警。

警察黎到了解成件事的來龍去脈，之後都話佢地做唔到咩，因為無發生刑事事件。後來老闆娘回來，我地將件事講清楚，表示我地肯俾額外收費；但個男老闆突然發難話幫我地去拿就要收$500。大佬！！美孚來回入境處$50都唔洗啦！點計都收唔到500！！

之後繼續講落去都無意思啦，第二日我同公司請半日假，去入境處攞左簽証，就返去交俾佢地，佢地就call速遞收。但經過此次經歷，我終於明白ed所謂「基督徒」開設既都係掛羊頭賣狗肉，收我地咁貴七，八千蚊，叫佢地幫幫手就托手爭。

今天收到一名員工 姓葉的先生致電，問昨天是否打個電話到她公司(因他們星期五是休息的）後我直接向他詢問有關申請工人狀況，他直接說不知道和跟我說已在WhatsApp已回覆！言語間我想知道跟我對話的人姓名，他説’我不會回覆你‘ 及沒有正面回答我這個問題，便掛了我電話.及後我一直致電他公司，想了解他為何電話掛我電話這種對顧客極不禮貌行為呢？ 打了好幾通都不接電話，最後我決定直接去門市跟他理論！
這位員工在電話的服務態度差還在說他人態度差，客人想多了解一些自己工人申請進度是不可能嗎？增添你的麻煩嗎？我只是想直接對話去了解一下狀況，竟被對方說叫我用WhatsApp 他們溝通？這種服務態度我都係第一次見！本人今次已是第二次經他們辦理申請工人來港。今次這件事我選擇說出來，只是想直指那一位葉先生的服務態度及沒有清楚解答客人查詢。

個人經歷，上年我係度請左個工人，由請人到接人都相安無事，點知魔鬼在細節，過左個零月之後問題就黎啦，有日公司 whats app 我，要我攞晒所有收據到佢地公司，話有野傾。

到公司傾時，原來個老闆要我地俾返保險同驗身錢，佢都痴線架，明明接人個日已經俾左；但個老闆死都唔信，話如果我地有俾錢就一定有收據，佢咁做無非想屈多我地一筆，我同屋企人都記得一定有俾錢，我地反問返佢無俾錢點解佢又俾我地接工人走？佢唔出聲，不斷堅稱無收據等於無俾錢。

傾唔掂數，個衰神仲要我地即場俾返錢，話如果我地唔俾錢就立即cut 我地保單，仲話會依法律程序追討返驗身費，離譜！我地好嬲，邊有d咁野蠻既人，好想告返佢地轉頭；但怕官司搞到蝕更多錢，幾百蚊就當俾乞兒算。總之這間傳恩手法唔老實，唔建議幫襯。